Kurti mirëpriti drejtoreshën e NDI- së Nancy Soderberg, diskutuan për progresin demokratik

17:00 | 14 Nëntor 2024
K.B

Kryeministri i Kosovës, Albin Kurti, priti në takim gjatë ditës së sotme Drejtoren e Institutit Demokratik Kombëtar (NDI) në Kosovë, Nancy Soderberg.

Progresi demokratik në sfera të ndryshme të shoqërisë dhe angazhimi për gjithëpërfshirje gjatë ndërtimit të politikave ishin në fokus të bisedimit.

Zyra e Kryeministrit thotë se Kurti vlerësoi kontributin dhe angazhimin e vazhdueshëm të Soderberg dhe të NDI-së, në shumë fusha me prioritet duke përfshirë demokratizimin, transparencën dhe llogaridhënien institucionale.

“Ky ishte takimi i tretë për këtë vit në kryeministri ndërmjet kryeministrit Kurti dhe Drejtores Soderberg, dhe së bashku me komunikimin e vazhdueshëm konfirmojnë bashkëpunimin e ngushtë dhe të frytshëm, dhe kontributin e përbashkët për zhvillim dhe fuqizim të demokracisë”, njofton ZKM-ja./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm